കണ്ണൂര്: സെന്റ് തോമസ് ചര്ച്ച് തിരുന്നാളിനോടനുബന്ധിച്ച് നടന്ന പ്രഭാഷണത്തില് ഹലാല് വിശദീകരണത്തിനിടെ ഇരിട്ടി മണിക്കടവ് സെന്റ് തോമസ് ചര്ച്ചില് ഫാ.
ലോകത്ത് ഏറ്റവും കൂടുതല് മനുഷ്യര് പിന്പറ്റുന്ന പ്രവാചകന് മുഹമ്മദ് നബിയെ വളരെ മോശമായി ചിത്രീകരിക്കുകയും, ഹലാല് ഭക്ഷണം തുപ്പിയ ഭക്ഷണമാണെന്നും ഹലാല് ബോര്ഡ് വെക്കാന് മുസ്ലിംങ്ങളുടെ പ്രത്രേക അതോറിറ്റിക്ക് ഫീസ് നല്കണമെന്നും ക്രിസ്ത്യന് പെണ്കുട്ടികളെ വലവീശിപ്പിടിക്കാന് പ്രത്യേക ജ്യൂസ് കടകള് പ്രവര്ത്തിക്കുന്നുവെന്നുമുള്ള പെരും നുണകളടങ്ങിയ മതവിദ്വേഷ പ്രസംഗമാണ് ഫാദര് അന്റണി നടത്തിയതെന്ന് എന്സി ഫിറോസ് പറഞ്ഞു.
മനുഷ്യ സൗഹാര്ദം നിലനില്ക്കുന്ന ഈ മതേതര സമൂഹത്തില് ഇത്തരം അന്യ മതവിദ്വേഷം നടത്തുന്നത് വലിയ പ്രത്യാഘാതങ്ങള്ക്ക് ഇടവരുത്തുമെന്നും ഇസ്ലാമിനെതിരേ വര്ഗീയ പ്രസംഗം നടത്തിയ ഫാദര് ആന്റണിക്കെതിരെ ശക്തമായ നിയമനടപടികള് സ്വീകരിക്കണമെന്നും അദ്ദേഹം ആവശ്യപ്പെട്ടു. നേരത്തെ, ഫാദര് ആന്റണിക്കെതിരെ സുന്നീ യുവജന സംഘം കണ്ണൂര് ജില്ലാ കമ്മിറ്റി രംഗത്ത് വന്നിരുന്നു. മനുഷ്യ സ്നേഹവും മതമൈത്രിക്കും നില കൊള്ളേണ്ട പുരോഹിതര് പ്രവാചക നിന്ദയും മത വൈര്യവും പ്രചരിപ്പിക്കുന്നത് അത്യന്ത്യം ആപത്കരമാണെന്നും ഹലാല് ഭക്ഷണമെന്നത് മുസ്ലിങ്ങള് തുപ്പിയതാണെന്ന് അച്ഛനെപ്പോലെ ഉന്നത വിദ്യാഭ്യാസമുള്ളവര് പ്രസ്താവിക്കുന്നത് ഖേദകരമാണെന്നും സംഘടന നിരീക്ഷിച്ചു.