ഒരു നാടിന്റെ മുഴുവന് പ്രാര്ഥനകളും ഫലം കണ്ടു. മലമ്ബുഴ ചേറാട് മലയിടുക്കില് കുടുങ്ങിയ ബാബു(22) എന്ന യുവാവിനെ രക്ഷപ്പെടുത്തി.
ഇന്ന് രാവിലെയാണ് കോസ്റ്റ് ഗാര്ഡിന്റെ ഹെലികോപ്റ്ററെത്തി ബാബുവിന് ഭക്ഷണവും വെള്ളവുമെത്തിച്ചത്. കഴിഞ്ഞ 44 മണിക്കൂറുകളായി ഒരു തുള്ളി വെള്ളം പോലും കുടിക്കാനാവാത്ത നിലയിലായിരുന്നു ബാബു. കരസേനാ സംഘത്തിലൊരാള് ബാബുവിന്റെ അടുത്തെത്തി ഭക്ഷണം കൈമാറുകയായിരുന്നു.
തിങ്കളാഴ്ച രാവിലെയാണ് 3 സുഹൃത്തുക്കള്ക്കൊപ്പം ബാബു കൂര്മ്ബാച്ചി മല കയറിയത്. മല കയറുന്നതിനിടെ ക്ഷീണം തോന്നിയ സുഹൃത്തുക്കള് ഇടയ്ക്കുവച്ച് വിശ്രമിച്ചെങ്കിലും ബാബു കുറച്ചുകൂടി ഉയരത്തില് കയറി. അവിടെനിന്നു കൂട്ടുകാരുടെ അടുത്തേക്കു വരുന്നതിനിടെ കാല് വഴുതി വീഴുകയായിരുന്നു. പാറയിടുക്കില് കുടുങ്ങിയ ബാബുവിന്റെ കാലിനു പരിക്കേറ്റിരുന്നു.
താന് കുടുങ്ങിക്കിടക്കുന്ന സ്ഥലത്തിന്റെ ഫോട്ടോയെടുത്ത് ബാബു സുഹൃത്തുക്കള്ക്കും പൊലീസിനും അയച്ചു. ഡ്രോണ് ഉപയോഗിച്ചു നടത്തിയ നിരീക്ഷണത്തില് ബാബു കുടുങ്ങിയ അപകടസ്ഥലം കണ്ടെത്താന് കഴിഞ്ഞു. ഹെലികോപ്ടര് ഉപയോഗിച്ച് താഴെയിറക്കാന് നീക്കം നടത്തുന്നതിനിടെ രക്ഷിക്കണമെന്ന് ഷര്ട്ടുയര്ത്തി അഭ്യര്ഥിച്ചു.
യുവാവിനെ രക്ഷപ്പെടുത്താന് കോസ്റ്റ്ഗാര്ഡിന്റെ ഹെലികോപ്ടര് എത്തിയിരുന്നു. കോസ്റ്റ് ഗാര്ഡിന്റെ നേതൃത്വത്തില് രക്ഷാപ്രവര്ത്തനം ഊര്ജിതമാക്കിയെങ്കിലും ബാബുവിനെ രക്ഷിക്കാനായില്ല. ബാബുവിന് ഭക്ഷണവും വെള്ളവും എത്തിക്കാനുള്ള ശ്രമമാണ് രക്ഷാ പ്രവര്ത്തകര് ആദ്യം നടത്തിയത്. ആ ശ്രമവും വിഫലമായി. ചെങ്കുത്തായ പാറകളാല് നിബിഡമായ പ്രദേശത്ത് ഹെലികോപ്ടര് ലാന്റ് ചെയ്യുകയെന്നത് ഒരിക്കലും സാധ്യമായിരുന്നില്ല. ബാബുവിനെ രക്ഷിക്കാനാവാതെ കോസ്റ്റ്ഗാര്ഡിന്റെ ഹെലികോപ്റ്റര് മടങ്ങി പോയത് രക്ഷാപ്രവര്ത്തനത്തെ പ്രതിസന്ധിയിലാക്കിയിരുന്നു.