യൂറോപ്യന്‍ രാജ്യങ്ങളില്‍നിന്ന് സന്ദര്‍ശക വിസയില്‍ യുവതികളെ കൊണ്ടുവന്ന് സമൂഹ മാധ്യമങ്ങളിലൂടെ പരസ്യം ചെയ്ത് ഉപഭോക്താക്കളെ കണ്ടെത്തി അനാശാസ്യം നടത്തിയത് പലവട്ടം പൊലീസ് പിടികൂടിയിട്ടുണ്ട്. ഇന്ത്യന്‍ സമൂഹത്തില്‍നിന്നും ഇത്തരത്തില്‍ പരസ്യമായ മനുഷ്യക്കച്ചവടം നടത്തുന്ന സംഭവങ്ങള്‍ ഞെട്ടിക്കുന്നതാണ്. നാട്ടില്‍നിന്ന് ജോലിക്ക് എന്ന പേരില്‍ കൊണ്ടുവരുന്ന സ്ത്രീകളെയാണ് ചൂഷണം ചെയ്യുന്നത്.
ഇത്തരം ചൂഷണങ്ങളില്‍നിന്ന് നിരവധി പേരെ സാമൂഹികപ്രവര്‍ത്തകര്‍ രക്ഷിച്ച്‌ നാട്ടിലയച്ചിട്ടുണ്ട്. എല്ലാ പരിധിയും വിട്ട് പരസ്യമായ കച്ചവടം നടത്താന്‍ തുനിഞ്ഞിറങ്ങിയവരില്‍ മലയാളികളാണ് മുന്നില്‍. വ്യാജ ഐഡിയുണ്ടാക്കിയാണ് പോസ്റ്റ് ചെയ്തിരിക്കുന്നത്. ഇതിനിടയില്‍ ഫോണ്‍നമ്ബര്‍ കമന്റ് ചെയ്തവരോട് ഇന്‍ബോക്സില്‍ വരാനാണ് പറയുന്നത്. ഇന്‍ബോക്സില്‍ ആശയവിനിമയം നടത്തി സ്ഥലമുറപ്പിച്ചാണ് കച്ചവടം. ഗാര്‍ഹികത്തൊഴിലാളികളായി കൊണ്ടുവന്ന നിര്‍ധന കുടുംബത്തിലെ പെണ്‍കുട്ടികളാണ് ചൂഷണത്തിനിരയാകുന്നത്.
