തിരുവനന്തപുരം: സംസ്ഥാനത്ത് വീണ്ടും മാസ്ക് നിര്ബന്ധമാക്കി. പൊതുസ്ഥലങ്ങളിലും ആള്ക്കൂട്ടത്തിനിടയിലും ജോലി സ്ഥലത്തും മാസ്ക് നിര്ബന്ധമാണ്.
വാഹനങ്ങളില് യാത്ര ചെയ്യുമ്ബോഴും മാസ്ക് ധരിക്കണം. മാസ്ക് ധരിക്കാതെ എത്തുന്നവര്ക്കെതിരെ നടപടി ഉണ്ടാകുമെന്നും സര്ക്കാര് പുറത്തിറക്കിയ ഉത്തരവിലുണ്ട്. ക്രമസമാധാന ചുമതലയുള്ള എഡിജിപിയാണ് ഇക്കാര്യം വ്യക്തമാക്കി സര്ക്കുലര് ഇറക്കിയത്.
Read Also:- അടുത്ത മൂന്നു മാസത്തെ പി എസ് സി എക്സാം സിലബസും പരീക്ഷ തീയതിയും
സംസ്ഥാനത്ത് കൊവിഡ് വ്യാപനം കൂടുന്നത് കണക്കിലെടുത്താണ് സര്ക്കാര് വീണ്ടും മാസ്ക് നിര്ബന്ധമാക്കിയിട്ടുള്ളത്. കൊവിഡ് വ്യാപനം കൂടിയ ആദ്യഘട്ടങ്ങളില് സംസ്ഥാനത്ത് മാസ്ക് നിര്ബന്ധമാക്കിയിരുന്നു. മാസ്ക് ധരിക്കാത്തവരില് നിന്ന് പിഴ ഈടാക്കുകയും ചെയ്തിരുന്നു.