ജനകോടികളുടെ വിശ്വസ്ത സ്ഥാപനം എന്ന പരസ്യവാചകം പറഞ്ഞ് അറ്റലസ് രാമചന്ദ്രന് നടന്നു കയറിയത് മലയാളിയുടെ മനസുകളിലേക്കാണ്.
പ്രതിസന്ധികളോട് പൊരുതി പലവട്ടം ജയിച്ചുകയറിയ ജീവിതമായിരുന്നു അദ്ദേഹത്തിന്റെത്. ജയില് മോചിതന് ആയിട്ടും ഇന്ത്യയിലേക്ക് മടങ്ങണം എന്ന സ്വപ്നം ബാക്കിയാക്കിയാണ് അറ്റ്ലസ് രാമചന്ദ്രന്ററെ മരണം. അനുഭവങ്ങളുടെ പാഠപുസ്തകം ആയിരുന്നു അറ്റ്ലസ് രാമചന്ദ്രന് എന്ന എം എം രാമചന്ദ്രന്.
തൃശ്ശൂര് സെന്തോമസ് കോളേജില് നിന്ന് ബിരുദവും ഡല്ഹി സ്കൂള് ഓഫ് എക്കണോമിക്സില് നിന്ന് ബിരുദാനന്തര ബിരുദവും നേടിയ രാമചന്ദ്രന് ബാങ്ക് ഉദ്യോഗസ്ഥനാണ് കരിയര് തുടങ്ങുന്നത്. കൊമേഴ്സ്യല് ബാങ്ക് ഓഫ് കുവൈത്തില് ജോലി ചെയ്യുമ്ബോഴാണ് സ്വര്ണ്ണ കച്ചവടത്തിന്റെ സാധ്യതകളില് എം എം രാമചന്ദ്രന്റെ കണ്ണുടക്കുന്നത്. അങ്ങനെയാണ് അറ്റ്ലസ് ജ്വല്ലറിയുടെ പിറവി. ഒപ്പം അറ്റ്ലസ് രാമചന്ദ്രന്റെയും.
കുവൈത്തിലെ സ്വര്ണ്ണ കച്ചവട രംഗത്ത് വളരെ പെട്ടെന്ന് തന്നെ അറ്റ്ലസ് സ്വന്തം മേല്വിലാസം ഉണ്ടാക്കി. പക്ഷേ ഗള്ഫ് യുദ്ധം അറ്റ്ലസ് രാമചന്ദ്രന്റെ കുവൈത്തിലെ ബിസിനസ് പാടെ ഇല്ലാതാക്കി. എന്നാല് തോറ്റുകൊടുക്കാന് തയ്യാറല്ലായിരുന്നു അദ്ദേഹം. യുഎഇയില് എത്തി എല്ലാം ഒന്ന് മുതല് വീണ്ടും തുടങ്ങി. ഇതിനിടയ്ക്ക് സിനിമാ നിര്മ്മാണ മേഖലയിലും അറ്റ്ലസ് രാമചന്ദ്രന്റെ കൈ പതിഞ്ഞു.
അങ്ങനെയാണ് വൈശാലിയും സുകൃതവും വാസ്തുഹാരയും പോലുള്ള മനോഹരമായ സിനിമകള് മലയാളിക്ക് ലഭിക്കുന്നത്. ചന്ദ്രകാന്ത് ഫിലിംസ് എന്ന പേരിലായിരുന്നു അദ്ദേഹം സിനിമകള് നിര്മ്മിച്ചതും വിതരണം ചെയ്തതും. കൗരവര്, ഇന്നലെ, വെങ്കലം തുടങ്ങിയ സിനിമകളിലൂടെ അദ്ദേഹം വിതരണ രംഗത്തും എത്തി. അറബിക്കഥ ഉള്പ്പെടെ 14 സിനിമകളില് അഭിനയിച്ച രാമചന്ദ്രന് 2010 ല് ഹോളിഡേയ്സ് എന്ന സിനിമ സംവിധാനം ചെയ്തു. കവിയും അക്ഷരശ്ലോക പണ്ഡിതനുമായ പിതാവില് നിന്നാണ് അറ്റ്ലസ് രാമചന്ദ്രനും അക്ഷരശ്ലോകത്തിലുള്ള കമ്ബം പകര്ന്നു കിട്ടുന്നത്.
ഗള്ഫിലും നാട്ടിലും ആയി ഒട്ടേറെ അക്ഷരശ്ലോക സദസ്സുകള് ആണ് അറ്റ്ലസ് രാമചന്ദ്രന്റെ നേതൃത്വത്തില് സംഘടിപ്പിക്കപ്പെട്ടത്. 2015 മുതല് അറ്റ്ലസ് രാമചന്ദ്രന്റെ ജീവിതത്തില് പ്രതിസന്ധികളുടെ കാലഘട്ടം ആയിരുന്നു. ബിസിനസ്സില് തിരിച്ചടികള് നേരിട്ടു. വിവിധ ബാങ്കുകളില് നിന്നായി എടുത്ത 55 കോടിയിലേറെ ദിര്ഹത്തിന്റെ വായ്പ തിരിച്ചടയ്ക്കുന്നതില് വീഴ്ച വന്നതിനേത്തുടര്ന്ന് 2015 ഓഗസ്റ്റില് അറസ്റ്റിലായിരുന്നു. ദുബായ് കോടതി അറ്റ്ലസ് രാമചന്ദ്രന് മൂന്ന് വര്ഷത്തെ തടവ് ശിക്ഷയും അനഭവിക്കേണ്ടി വന്നു. പക്ഷേ എല്ലാത്തിനെയും പുതിയ അനുഭവ പാഠങ്ങളായി കണ്ട് വീണ്ടുമൊരു തിരിച്ചുവരവിനായി തയ്യാറെടുക്കുമ്ബോഴാണ് അറ്റ്ലസ് രാമചന്ദ്രന് വിട പറയുന്നത്.