ഡെറാഢൂണ്: ഉത്തരാഖണ്ഡില് തീര്ഥാടകര് സഞ്ചരിച്ച ഹെലികോപ്റ്റര് തകര്ന്ന് ആറ് പേര് മരിച്ചു.
#WATCH | Uttarakhand: A helicopter carrying Kedarnath pilgrims from Phata crashes, casualties feared; administration team left for the spot for relief and rescue work. Further details awaited pic.twitter.com/sDf4x1udlJ
— ANI (@ANI) October 18, 2022
അപകടത്തില് ആറ് പേര് മരിച്ചതായി ഉത്തരാഖണ്ഡ് സ്പെഷ്യല് പ്രിന്സിപ്പല് സെക്രട്ടറി അഭിനവ് കുമാര് അറിയിച്ചു, സ്വകാര്യ കമ്ബനിയുടെ ഹെലികോപ്റ്ററാണ് അപകടത്തില്പ്പെട്ടത്. കേദാര്നാഥില് നിന്നും മടങ്ങുന്നതിനിടെ ഹെലികോപ്റ്ററിന് പെട്ടന്ന് തീപിടിക്കുകയും തകര്ന്നുവീഴുകയുമായിരുന്നു.
രക്ഷാപ്രവര്ത്തനത്തിനായി ദുരന്തനിവാരണ സേന അപകടസ്ഥലത്തേക്ക് തിരിച്ചിട്ടുണ്ട്. ഈ പ്രദേശത്ത് രക്ഷാദൗത്യം ഏറെ ദുഷ്കരമാണ്. ചെങ്കുത്തായ മലനിരയും മോശം കാലാവസ്ഥയുമാണ് രക്ഷാപ്രവര്ത്തനത്തിന് തടസം. അപകടത്തില് മരിച്ചവരുടെ വിവരങ്ങള് പുറത്തുവന്നിട്ടില്ല. അപകടത്തെ കുറിച്ച് ഉത്തരാഖണ്ഡ് സര്ക്കാരുമായി ബന്ധപ്പെട്ടുവരികയാണെന്ന് വ്യോമയാനമന്ത്രി പറഞ്ഞു.