ഇടുക്കി: അടുക്കളയില്‍ കയറി വിട്ടമ്മയെ തെരുവുനായ ആക്രമിച്ചു. കട്ടപ്പന നിര്‍മ്മല മെഡിസിറ്റിയില്‍ ചിന്നമ്മയെയാണ് അടുക്കളയില്‍ കയറി നായ ആക്രമിച്ചത്.
ഇതേദിവസം തന്നെ മറ്റ് മൂന്നുപേര്‍ക്കും തെരുവ് നായയുടെ കടിയേറ്റിട്ടുണ്ട്. പ്രദേശവാസികളായ മേരി കുന്നേല്‍, ബാബു മുതുപ്ലാക്കല്‍, സണ്ണി തഴയ്‌ക്കല്‍ എന്നിവര്‍ക്കാണ് പരിക്കേറ്റത്. ഇവര്‍ നാല് പേരും ഇടുക്കി മെഡിക്കല്‍ കോളേജില്‍ ചികിത്സ തേടി.
പറമ്ബില്‍ ജോലി ചെയ്യുന്നതിനിടയിലാണ് മേരിയുടെ കൈയ്യില്‍ നായ കടിച്ചത്് വീടിന് മുന്‍പില്‍ നില്‍ക്കുമ്ബോഴാണ് ബാബുവിനെ നായ ആക്രമിച്ചത്. നിര്‍മ്മാണ തൊഴിലാളിയായ സണ്ണിയെ ജോലി സ്ഥലത്ത് വച്ചാണ് നായ ആക്രമിച്ചത്. ഇയാള്‍ക്ക് തുടയിലാണ് പരിക്കേറ്റത്. കഴിഞ്ഞ മൂന്ന് ദിവസത്തിനുള്ളില്‍ ഹൈറേഞ്ചില്‍ പത്ത് പേരെയാണ് തെരുവ് നായ ആക്രമിച്ചത്.
