ഓൺലൈൻ തട്ടിപ്പ് പതിവിലും കൂടുതലായി വർധിച്ച് വരികയാണ്. പല സമ്മാനങ്ങളും ഓഫറുകളും നൽകാമെന്ന വ്യാജേന നിരവധി ലിങ്കുകളാണ് ദിനംപ്രതി മൊബൈൽ ഫോണിൽ കെണിവിരിച്ച് എത്തുന്നത്. ഇപ്പോഴിതാ ആദായ നികുതി വകുപ്പിന്റെ വ്യാജനും ഇറങ്ങിയിട്ടുണ്ട്.
കഴിഞ്ഞ കുറച്ച് ദിവസങ്ങളായി ആദായ നികുതി വകുപ്പിന്റെ പേരിൽ പലർക്കും ഒരു ഇ-മെയിൽ സന്ദേശം ലഭിക്കുന്നുണ്ട്. ആദായ നികുതി ഓഡിറ്റ് പൂർത്തിയായെന്നും നിങ്ങൾക്ക് റീഫണ്ട് തുകയായ 41,104.22 രൂപ ലഭിക്കുമെന്നാണ് വരുന്ന സന്ദേശത്തിന്റെ ഉള്ളടക്കം. പണം ലഭിക്കാനായി ഇ-മെയിലിൽ ലഭിച്ച ലിങ്കിൽ ക്ലിക്ക് ചെയ്ത് വിവരങ്ങൾ നൽകാനും സന്ദേശത്തിൽ പറയുന്നു.
എന്നാൽ ഇത് വ്യാജ ഇ-മെയിൽ സന്ദേശമാണെന്നും, ഉപയോക്താക്കൾ ഒരുകാരണവശാലും ഇത്തരം ലിങ്കുകളിൽ ക്ലിക്ക് ചെയ്യരുതെന്നും അധികൃതർ മുന്നറിയിപ്പ് നൽകി. ഇത്തരം വ്യാജ സന്ദേശങ്ങൾ ലഭിച്ചാൽ webmanager@incometax.gov.in എന്ന ഇ-മെയിൽ വിലാസത്തിൽ പരാതിപ്പെടണമെന്നും അധികൃതർ നിർദേശിച്ചു.
.jpg)
