ന്യൂഡല്ഹി: പ്രവാചകന് മുഹമ്മദ് നബിക്കെതിരായ പരാമര്ശം പിന്വലിച്ച് ബിജെപി നേതാവ് നുപുര് ശര്മ.
ഇതിനു പിന്നാലെയാണ് ട്വിറ്ററിലൂടെ ഇവര് പ്രസ്താവന പിന്വലിക്കുന്നതായി അറിയിച്ചത്. ബിജെപിയുടെ ഡല്ഹി ഘടകം മാധ്യമ വിഭാഗത്തിന്റെ ചുമതലയില് നിന്ന് നവീന് കുമാര് ജിന്ഡലിനെയും നീക്കിയിരുന്നു. 'മഹാദേവനെ അവഹേളിക്കുന്ന, അധിക്ഷേപിക്കുന്ന ടെലിവിഷന് ചര്ച്ചകളില് കഴിഞ്ഞ കുറച്ചുനാളായി ഞാന് പങ്കെടുക്കുന്നുണ്ട്. അത് ശിവലിംഗമല്ല, ജലധാരയ്ക്കുള്ള സ്തൂപമാണെന്നായിരുന്നു പരിഹാസം.'
'ഡല്ഹിയിലെ റോഡരികിലുള്ള തൂണുകളുമായി ശിവലിംഗത്തെ താരതമ്യപ്പെടുത്തുകയും ചെയ്തു.
തുടരുന്ന ഈ അവഹേളനങ്ങളും മഹാദേവനെതിരായ അധിക്ഷേപങ്ങളും എനിക്ക് സഹിക്കാനായില്ല. തിരിച്ച് ഞാനും എന്തൊക്കെയോ പറഞ്ഞു. എന്്റെ പ്രസ്താവന ആരെയെങ്കിലും ബുദ്ധിമുട്ടിച്ചിട്ടുണ്ടെങ്കിലോ ആരുടെയെങ്കിലും മതവികാരത്തെ വ്രണപ്പെടുത്തിയിട്ടുണ്ടെങ്കിലോ ഞാന് പ്രസ്താവന നിരുപാധികം പിന്വലിക്കുന്നു. ആരുടെയും മതവികാരം വ്രണപ്പെടുത്താന് ഉദ്ദേശിച്ചിരുന്നില്ല.'- നുപുര് ട്വീറ്റ് ചെയ്തു.
അതേസമയം, മതവികാരം വ്രണപ്പെടുത്തിയെന്നാരോപിച്ച് ഇവര്ക്കെതിരെ നേരത്തെ എഫ്ഐആര് രജിസ്റ്റര് ചെയ്തിരുന്നു.