അമ്ബലവയല്: ഞായറാഴ്ച ഉറ്റസുഹൃത്തിനെ ഫോണില് വിളിച്ച് രാജമണി പറഞ്ഞു -'എനിക്ക് റീത്ത് വെക്കണം; ഞാന് പോകുവാണ്'. താന് വിഷം കഴിച്ചതായി ഇതിനുപിന്നാലെ സുഹൃത്തിനെ വിളിച്ച് പറയുകയും ചെയ്തു. രണ്ടാമത്തെ ഫോണ് വന്ന ഉടന് തന്നെ സുഹൃത്ത് സമീപവാസികളെ വിവരമറിയിക്കുകയായിരുന്നു. തുടര്ന്ന് നടത്തിയ തിരച്ചിലിലാണ് വീടിന് സമീപത്തെ തോട്ടത്തില് വിഷം ഉള്ളില് ചെന്ന് അവശ നിലയില് രാജമണിയെ കണ്ടെത്തിയത്. മേപ്പാടിയിലെ സ്വകാര്യ ആശുപത്രിയിലെത്തിച്ചെങ്കിലും രാജമണിയുടെ ജീവന് രക്ഷിക്കാനായില്ല. ഞായറാഴ്ച അര്ധരാത്രിയോടെയാണ് രാജമണി മരിച്ചത്.