കൊച്ചി: നടിയെ ആക്രമിച്ച കേസിലെ അന്വേഷണ ഉദ്യോഗസ്ഥരെ അപായപ്പെടുത്താന് ഗൂഢാലോചന നടത്തിയെന്ന കേസില് നടന് ദിലീപിന്റെ മുന്കൂര് ജാമ്യാപേക്ഷയില് വ്യാഴാഴ്ച വീണ്ടും വാദം കേള്ക്കും.
വ്യാഴാഴ്ച ഇതിന്റെ വിശദാംശങ്ങള് പ്രോസിക്യൂഷന് മുദ്രവെച്ച കവറില് കൈമാറണം. വ്യാഴാഴ്ച വരെ അറസ്റ്റ് പാടില്ലെന്നും കോടതി നിര്ദേശിച്ചിട്ടുണ്ട്. ചോദ്യം ചെയ്യലിന് ആറുമണിക്കൂര് വരെ ഹാജരാകാമെന്നും അന്വേഷണവുമായി സഹകരിക്കാമെന്നും ദിലീപ് കോടതിയെ അറിയിച്ചു. ജാമ്യം നല്കിയാല് അന്വേഷണത്തില് ഇടപെടരുതെന്നും എങ്കില് ജാമ്യം റദ്ദാക്കുമെന്നും ഹൈകോടതി പറഞ്ഞു. ഏത് ഉപാധിയും അംഗീകരിക്കാമെന്ന് ദിലീപിന്റെ അഭിഭാഷകന് കോടതിയെ അറിയിച്ചു.
അതേസമയം തെളിവുകള് പലതും അസ്വസ്ഥതയുണ്ടാക്കുന്നതാണെന്ന് ഹൈകോടതി നിരീക്ഷിച്ചു. ഗൂഢാലോചന നടത്തുന്നത് കൃത്യം ചെയ്യുന്നതിന് തുല്യമാണെന്നും കോടതി വിലയിരുത്തി. ഗൂഢാലോചന നടത്തിയാല് കൃത്യം ചെയ്തില്ലെങ്കിലും കൃത്യം ചെയ്തതായി കണക്കാക്കാമെന്നും കോടതി പറഞ്ഞു.
Read Also : ഈ ആപ്പ് ഉണ്ടെങ്കിൽ ആർക്കും പുഷ്പ്പം പോലെ ഇംഗ്ലീഷ് സംസാരിക്കാൻ പഠിക്കാം
ശനിയാഴ്ച പ്രത്യേക സിറ്റിങ് നടത്തിയാണ് ജാമ്യാപേക്ഷ കോടതി പരിഗണിച്ചത്. കേസ് പ്രാധാന്യമുള്ളതാണെന്നും വിശദമായ വാദം കേള്ക്കാന് സമയം വേണമെന്നും വിലയിരുത്തിയ ജസ്റ്റിസ് പി. ഗോപിനാഥ് ജാമ്യ ഹരജി ശനിയാഴ്ചത്തേക്ക് പരിഗണിക്കാന് മാറ്റുകയായിരുന്നു. രാവിലെ ഓണ്ലൈന് സിറ്റിങ് ഒഴിവാക്കി കോടതിമുറിയില് നേരിട്ട് വാദം കേള്ക്കുകയായിരുന്നു. ദിലീപിനെതിരെ പ്രോസിക്യൂഷന് കൂടുതല് തെളിവുകള് ഹാജരാക്കിയിരുന്നു.
ദിലീപിന് പുറമെ സഹോദരന് അനൂപ്, സഹോദരീ ഭര്ത്താവ് ടി.എന്. സൂരജ്, ബന്ധു അപ്പു, സുഹൃത്ത് ബൈജു ചെങ്ങമനാട്, ആലുവ സ്വദേശിയായ ഹോട്ടലുടമ ശരത് എന്നിവരും മുന്കൂര് ജാമ്യം തേടിയിരുന്നു.