തിരുവനന്തപുരം: സംസ്ഥാനത്ത് ബസ് ചാര്ജ് വര്ധനയ്ക്ക് എല്ഡിഎഫ് അനുമതി. നിരക്ക് കൂട്ടുന്നതില് തീരുമാനമെടുക്കാന് മുഖ്യമന്ത്രിയെയും ഗതാഗത മന്ത്രിയെയും എല്ഡിഎഫ് യോഗം ചുമതലപ്പെടുത്തി.
വിദ്യാര്ഥികളുടെ ഉള്പ്പടെയുള്ള യാത്രാനിരക്ക് വര്ധിപ്പിക്കണമെന്നാണ് ബസുടമകളുടെ ആവശ്യം. ഡീസല് സബ്സിഡി നല്കണം. മിനിമം ചാര്ജ് 12 രൂപയാക്കണം എന്നതാണ് സ്വകാര്യ ബസുടമകള് പ്രധാനമായും ആവശ്യപ്പെട്ടിരുന്നത്.
വിദ്യാര്ഥികളുടെ മിനിമം ചാര്ജ് ആറ് രൂപയാക്കണം, കിലോ മീറ്ററിന് ഒരു രൂപയായി വര്ധിപ്പിക്കണം, തുടര്ന്നുള്ള ചാര്ജ് യാത്ര നിരക്കിന്റെ 50 ശതമാനമാക്കണം എന്നിവയാണ് മറ്റ് ആവശ്യങ്ങള്. കോവിഡ് കാലം കഴിയുന്നതുവരെ വാഹന നികുതി ഒഴിവാക്കണമെന്നും ബസുടമകളുടെ സംയുക്ത സമിതി ആവശ്യപെട്ടിരുന്നു.