തിരുവനന്തപുരം: പനി ലക്ഷണങ്ങളുള്ളവര് പൊതുസ്ഥലങ്ങളില് പോകരുതെന്ന് ആരോഗ്യമന്ത്രി വീണാ ജോര്ജ്. പനി ലക്ഷണവുമുള്ള കുട്ടികളും മുതിര്ന്നവരും ഓഫീസുകളിലോ കോളജുകളിലോ സ്കൂളിലോ ഒന്നും പോകരുത്.
'സംസ്ഥാനത്തെ മുഴുവന് സാഹചര്യവും ആരോഗ്യവകുപ്പിന്റെ പ്രവര്ത്തനങ്ങളും വിലയിരുത്തിയാണ് സര്ക്കാര് മുന്നോട്ട് പോകുന്നത്. ഈ ഘട്ടത്തില് ആശങ്കപ്പെടേണ്ടതില്ല. പക്ഷേ, കോവിഡ് പടര്ത്താതിരിക്കാനുള്ള ഉത്തരവാദിത്വം വ്യക്തിപരമായി ഓരോരുത്തര്ക്കും ഉണ്ടായിരിക്കണം'- വീണാ ജോര്ജ് പറഞ്ഞു.
സംസ്ഥാനത്ത് കോവിഡ് ബാധിച്ച 1,99,041 പേരില് 3 ശതമാനം മാത്രമാണ് ആശുപത്രിയിലുള്ളത്. 0.7 ശതമാനത്തിനാണ് ഓക്സിജന് കിടക്ക ഇപ്പോള് ആവശ്യമുള്ളത്. ഐ.സി.യു ആവശ്യമുള്ളത് 0.6 ശതമാനം പേര്ക്കാണ്. രാവിലത്തെ കണക്കുകള് പ്രകാരം സര്ക്കാര് ആശുപത്രികളിലെ വെന്റിലേറ്ററുകളുടെ ആകെയുള്ള ഉപയോഗത്തില് രണ്ട് ശതമാനം കുറവ് വന്നതായി കണ്ടെത്തിയിട്ടുണ്ട്.