തിരുവനന്തപുരം: ചുഴലിക്കാറ്റ് സ്വാധീനത്തിന്റെ ഫലമായി കേരളത്തില്‍ അടുത്ത ദിവസങ്ങളില്‍ മഴയ്ക്ക് സാധ്യതയെന്ന് കാലാവസ്ഥ വകുപ്പ്.
വരും ദിവസങ്ങളില്‍ കേരളത്തിലെ ഒറ്റപ്പെട്ട ഇടങ്ങളില്‍ നേരിയ മഴയ്ക്കും ഇടിമിന്നലിനും സാധ്യതയുണ്ടെന്നാണ് കാലാവസ്ഥ വകുപ്പ് റിപ്പോര്‍ട്ട്. ജനുവരി 21 വരെ കാലാവസ്ഥ മുന്നറിയിപ്പുകളൊന്നുമില്ല. കേരള, കര്‍ണാടക തീരങ്ങളിലെ മത്സ്യബന്ധന തൊഴിലാളികള്‍ക്കും മുന്നറിയിപ്പൊന്നും നല്‍കിയിട്ടില്ല.
അതേസമയം, കേരളത്തില്‍ ഇന്ന് ഒരിടത്തും മഴ ലഭിച്ചില്ല. തൃശൂരിലാണ് ഇന്ന് ഏറ്റവും ഉയര്‍ന്ന താപനില രേഖപ്പെടുത്തിയത്. പാലക്കാട്, ആലപ്പുഴ ജില്ലകളില്‍ താപനില സാധാരണയിലും ഉയര്‍ന്നതായിരുന്നു. ഇന്ന് ഏറ്റവും കുറവ് ചൂട് രേഖപ്പെടുത്തിയത് പുനലൂരാണ്, 19 ഡിഗ്രി സെല്‍ഷ്യസ്.
