തിരുവനന്തപുരം: കൊവിഡ് ബാധിച്ച് മരണപ്പെട്ടവരുടെ അടുത്ത ബന്ധുവിന് സര്ക്കാര് പ്രഖ്യാപിച്ച ധനസഹായത്തിനായി ഇനി അപേക്ഷ നല്കാം.
കൊവിഡ് ബാധിച്ച് മരണപ്പെട്ട വ്യക്തിയുടെ മരണ സര്ട്ടിഫിക്കറ്റ്, അപേക്ഷകന്റെ റേഷന് കാര്ഡ്, ആധാര് കാര്ഡ്, ബാങ്ക് പാസ് ബുക്ക് എന്നിവയുടെ പകര്പ്പുകള്, അനന്തരാവകാശ സര്ട്ടിഫിക്കറ്റ് ലഭ്യമാണെങ്കില് അതിന്റെ പകര്പ്പ് എന്നീ രേഖകള് കൂടി അപേക്ഷയോടൊപ്പം ഉള്പ്പെടുത്തണം. മരണപ്പെട്ടയാളിന്റെ അടുത്ത ബന്ധുവാണ് അപേക്ഷ സമര്പ്പിക്കേണ്ടത്.
ബന്ധപ്പെട്ട വില്ലേജ് ഓഫീസര് രേഖകള് പരിശോധിച്ച് ജില്ലാ ദുരന്ത നിവാരണ അതോറിട്ടിക്ക് റിപ്പോര്ട്ട് കൈമാറും. 50,000 രൂപയാണ് ധനസഹായം. കൊവിഡ് ബാധിച്ച് മരിച്ച വ്യക്തിയെ ആശ്രയിച്ചു കഴിയുന്ന ബിപിഎല് കുടുംബങ്ങള്ക്ക് 36 മാസക്കാലത്തേക്ക് പ്രതിമാസം 5000 രൂപയും ലഭിക്കും.